15 харлыг Сагаан Саттың эрес-дидим чоруу
Кызыл кожууннуң ыраккы Каа-Хем суурунуң 1 дугаар ортумак школазының өөреникчизи Сагаан Сат «Горячее сердце» бүгү Россияның ниитилел-күрүне инициативазының лауреады болган. Төлевилелдиң сорулгазы: эрес-дидим, активчи хамааты туруштуг, берге байдалдарга таварышканнарга ачы-дузазын көргүскен элээдилерни болгаш аныяктарны илередип, оларга өөрүп четтириишкинни көргүзери.
15 харлыг Сагаан Саттың ады «Горячее сердце» хүндүлел номче кирген. Номну чыл санында чырыкче үндүрүп турар. Ол эрткен чылын Улуг-Хемниң эриинге эштип тургаш, сугга дүшкен эр кижини камгалаан.
Эрес-дидим чоруу дээш Сагаан Сат «Орлёнок» бүгү Россияның уруглар төвүнге дыштаныр путевка-биле шаңнаткан. Амгы үеде ол Кара далайның эриинде мага хандыр дыштанып турар.
