Мээң дуңмам
Мээң адымны Олча дээр. Мен Кызылдың дугаары 9 школазының 9 «в» клазының өөреникчизи мен. Дыштанылгам үезин канчаар эрттирип турарымны сонуургаттым.
Эртен эрте туруп келгеш, хостуг шимчээшкиннер кылып, херим иштинге арыг агаар тынып, агаарлаарынга ынак мен. Бичии дуңмам менден чер-ле чыда кагбас. Ооң ады Тажы, тускай чараш аттыг. Ол 5 харлыг.
Дуңмам бичии-даа бол, дыка шимченгир, чугааккыр, кижини кажан-даа чалгааратпас. Ооң-биле кады ойнап, ону номчуурунга, бижииринге, чуруттунарынга өөредип турумда-ла, хүн эрткени билдинмейн баар.
Эң-не чаптаар чүүлүм-холдарын үнгеш-киргеш-ле чуп-ла турар. Бо берге аарыг үезинде, арыг-силигни сагыыры чугула деп, ававыс бисти чагып, сургап турарындан ол дыка эки сактып, билип алган. Ынчаан-на чайгы дыштанылгам-дуңмам-биле эрттип каар. Дуңмамга дыка ынак мен.
Олча Сагды
Кызылдың дугаары 9 школазының 9-ку классчызы.
#арыг_силигни_сагып
#холдарны_чуур
#МоиЛетниеКаникулы
#Чайгы_Дыштанылгам
#Сылдысчыгаш_Солуну
