Айыыл чок маршруттар болгаш чырык чайыннандырыкчызы
Тываның немелде өөредилге төвүнүң Республиканский центр развития допобразования болгаш күрүнениң автоинспекциязының ажылдакчылары уругларның «Бажың-школа-бажың» айыыл чок маршрудун база хевинде чырык чайыннандырар херекселдерин хынаан. Профилактика субъектилериниң специалистери Кызыл хоорайның 3 биле 8 дугаар, Сукпак, Элегес-Аксының школаларынга четкен.
Специалистерниң дыңнатканы-биле алырга, өөреникчилерниң хөй кезии айыыл чок маршрутту тургускан болгаш, хевинде чырык чайыннандырыкчызын чыпшырган.
💬 «Орукка көскү болуру-биле, чамдык өөреникчилер элээн каш им-демдектерни ажыглап турар: рюкзагында, хевинде. Камгалал херекселдерин эге класстарның өөреникчилери идепкейлиг ажыглап турарын демдеглекседивис» - деп, олар чугаалаан.
Ындыг-даа болза мониторингиниң түңнелдерин алгаш көөрге, камгалал херекселдерин ажыглавайн турар өөреникчилер бары илерээн. Оларның ада-иезинге уруг-дарыының идик-хевинге, рюкзагынга чырык чайыннандырар херекселдерни даарап бээрин сагындырган.
💬 «Чырык чайыннандырар кезиндектер караңгы үеде орукка уругларны көскү болдурар. Ол - уругнуң амы-тынының айыыл чок чоруун хандырар кончуг чугула бөдүүн хемчег-дир. А школаже маршрут кыска болгаш эң-не дүрген эвес, а силерниң уруг-дарыыңарга айыыл чок болур ужурлуг. Уруг-дарыгның айыыл чок чоруу - бистиң холувуста дээрзин утпаалыңар!» - деп, ажылдакчылар кыйгырган.
Тываның өөредилге организацияларында Айыыл чок чоруктуң айы сентябрь 27-ге чедерин сагындыраал. Шак-ла ындыг хыналдалар өске-даа школаларда чоруттунуп турар.
