Альмира – ада-иезиниң чоргааралы болгаш бичии «сылдысчыгажы»

«Сылдысчыгаш» солуннуң редакциязы дөрт харлыг бичии «сылдысчыгаш» Альмира Дыртый-оол-биле чугаалашкан. Ол Чадаана хоорайда «Хээлер» уруглар садынче барып турар. Ада-иези Кызылда өөренип, чурттап турарлар, а бичии Альмира ийи хоорай аразынга аян-чоруктап өөрени берген. Альмираның авазы Айыран Ондар ТывКУ-ну кызыл диплом-биле дооскан. Ачазы Ай-Херел Дыртый-оол – республикада билдингир спортчу. Ол хол бөмбүүнде «тергиин халдакчы» деп атка каш чыл улаштыр төлептиг болган. - Альмира, бодуңнуң күзелдериңни чугаалап көрем. Келир үеде кым болур сен? - Өзүп келгеш, башкы болур мен. Мээң авам — келир үениң башкызы. Ол — меңээ үлегерлиг. Ада-ием-биле «башкы» деп ойнаарынга ынак мен. Оон ыңай повар болуксаар мен, чаагай аъш-чем кылырынга сонуургалым улуг. Ооң соонда артист болур күзелим база бар. Дыка хөй ырлар, шүлүктерни шээжи-биле доктаадып алдым. - Хостуг үеңде чүнү кылырынга ынак сен? Чуруурунга, саазын-биле кылыглар кылырынга ынак мен. Оон авам, ачам-биле ойнаар. Ада-ием-биле хостуг үевисте аян-чорук кылырынга ынак бис. - Аваң-ачаң-биле чайгы дыштанылга үезинде кандыг планнарлыг турдуңар? - Бо чайын Тожу, Сүт-Хөл, Бай-Тайгага чедер деп планнап алгаш турган бис. Тываның каас-чараш бойдус-чурумалын көрүп, шуралгактарынга барып, ачам-биле хондур балыктаан бис. Альмира чажындан-на угаанныг уруг болган деп, авазы Айырана Ондар уруун чаптап чугаалаан. Ооң ада-иези уруу ийи харлыг турда-ла, шын чугаалап өөрениринче улуг кичээнгейни салып турганннар. Оон аңгыда ада-ие уруунга үргүлчү кыска тоолдарны, чечен чугааларны номчуп берип турар. Садикте башкылары база эштери бичии Альмирага дыка ынактар. Альмира – шупту төрелдериниң, ада- иезиниң чоргааралы болгаш бичии «сылдысчыгажы». Мира КОНГУЛ-ООЛ очулдурган