Башкыларның мөөрейи

Кызыл хоорайның 17 дугаар Угулза аттыг уруглар садынга «Уруглар садтарында чаштарның тыва чугаазын сайзырадыр тергиин практик башкы» деп номинацияга «Кижизиттирикчилер-биле педагогиктиг ажыл» деп мөөрей шылгалдазы болуп эрткен Республиканың аңгы-аңгы булуңнарындан 9 башкы киришкен. Киржикчилер шупту мөөрейге белеткели шыырак, кижизидикчи башкы деп атка төлептиг кылдыр боттарын көргүзүп, шииткекчилерни кайгадып, чаштарның сагыш-сеткилинге киргени онза болган. Башкы бүрүзүнүң бодунуң ажылдап кылганы методиказы, технологиялары амгы үении-биле кичээлдер онза-солун болуп турар. Чижээ: «Тоол оранынче аян-чорук», «Бичии уруглар чогаалчылары», «Тыва улустуң оюннары», «Өңнер», «Мээң өг-бүлем» дээн хевирлиг темалар бөгүнгү болган кичээлдерни каастаан. Башкыларның боттарының-даа, чаштарның-даа сагыш-сеткилинде төрээн дылын база ооң онзагайын үнелеп турары көскү. Ол дээш карактарында от хып турары чоргааранчыг. Мөөрей ам-даа уламчылап турар. #ИРНШ