Башкыларым
Садиктеп турганым
Сагыжымга кирип кээр.
Удуп чыдып алгаштын,
Үргүлчү-ле дужээр мен.
Эртен эрте хүннүң-не
Эштеримни, мени-даа,
Хүлүмзүрүп уткуур
Хүлээп алыр башкыларым.
Сандайларга олурупкаш,
Солун тоолдар номчуп бээр.
Шүлүк, ыры өөредип каар
Шыдамыккай башкыларым.
Алды чылдың иштинде
Авам ышкаш азыраан,
Кайгамчыктыг башкыларым,
Кажанда-даа утпас мен!
Бадыжик Елена Михайловна, Хову-Аксы суурнуң «Дюймовочка» уруглар садының башкызы
