Бо чылын ТР-ниң эптежилге юстициязы тургустунганындан бээр 20 чыл оюн демдеглеп турар. Онзагай байырлал таварыштыр юстиция яамызының ажылдакчыларының уругларынга янзы-бүрү мөөрейлерни эрттирген. «Уругларның көрүжү-биле эптежилге юстициязы» чурук мөөрейинге 7-17 харлыг уруглар киришкен. Юстиция адырынга хамаарышкан чуруктарны уруглар чуруп, идепкейин көргүскеннер.
Бичии бөлүкке «Тываның эптежилге юстициязы» деп атка Кызылдың дугаары 3 школазының 1 «б» клазының өөреникчизи Алиана Донгак 1-ги черге төлептиг болган.
Алиана – бичиизинден тура, алыс сонуургак, салым-чаяанныг. 6 харлыындан «Урянхай» модельдиг агентилелдиң киржикчизи. Ол ам чараштыр кылаштаарын болгаш сценага шын алдынарын «5»-ке билир дээр болза чазыг эвес. Өөредилгеге кызымак, чуруттунарынга хөлчок ынак. Ооң чураан чуруктары арга-дуржулгалыг кижилерден тудак чок.
Тываның юстиция сайыды Буян Ховалыг уругларга идепкейлиг киришкени дээш четтиргенин илередип, тергииннерге Хүндүлел бижиктерни болгаш белекчигештерни сөңнээн.
#МинюстТыва #Детирисуют #Конкурсы #Сылдысчыгаш_солуну
