Бичии уругларга көгүдүглер

Өгбелеривис көгудүглерни пөрүк, олутпай, шала шүшпең, идик-хеп кетпес, чем чивес, ыглаган, могадыычал уругларны угаангыр-сагынгыр, омак-хөглүг, шимченгир, эрес кылдыр кижизидерде ажыглаар чораан. ИДИК-ХЕП КЕТПЕС УРУГЛАРГА КӨГҮДҮГЛЕР Теп-теп, кежээкей, Теве сарыг идииң кет, Топ-топ, кежээкей, Тонуң кет, чарашпай. Хептерин боду кедер Кежээпейни көрүңер даан, Тонун кеткеш базыпты, Тоолзуг маадыр көрүңер даан. ЧАА КЫЛАШТАП ӨӨРЕНИП ТУРАР УРУГЛАРГА Бирээ, ийи, бөөп-бөөп, Бир бастым, бөөп-бөөп. Бөөп-бөөп, бөпүйлең, Бөпүй-бөпүй бурунгаар, Бирээ, ийи, үш… ЧЕМ ЧИВЕС УРУГЛАРГА Каа-каак, кежээ кижи, Кадыын чип аар, кежээ кижи, Чөкпектиг чемин чиир, Чөптүгбейим, эреспейим! УДУВАС УРУГЛАРГА Бирээ, ийи, карааң шим! Үш, дөрт, оожум тын! Дөрт, беш, алды, Дүрген уду, эргимим. КЕЖЭЭ УРУГЛАРГА Аяк-шынаан боду чуур Аажок кежээ, силигбей. Чугган аяан чодуп аар, Чүү кончуг, кежээпей. ЫГЛААН УРУГЛАРГА Чаптанчыгбай, ыглава, Чаагыңны аштап берейн, Карак чажы чүдек, Калдар апаар, хаванчуук. Интернет четкизинден хоолгалаан