Бичии юннатчылар өзүмнерни тараан

Республиканың барык шупту школаларында аныяк натуралистер шимчээшкини идепкейлиг ажылдап турар. Олар – бойдуска ынак, ону хумагалап билир бичии оолдар, уруглар. Бичии юннатчылар экология адырында шинчилелдер ажылдарын бүдүн чыл дургузунда кылып, дыка хөй солун чүүлдерни билип ап турарлар. Амгы үеде бичии натуралистер боттарының школазының девискээрин ногаанчыдып, чаагайжыдылга ажылында киржип турарлар. Бии-Хем кожуунда Уюк ортумак школазының 3-кү классчылары башкызы Анжела Кара-оол-биле кады чечектерниң өзүмнерин тараан. Оолдар, уруглар боттарының күш-ажылының түңнелин удавас көөр: өзүмнер бакылап эгелээн болгаш, ону бичии саважышатраже чара тарааннар. Юннатчылар өзүмнерни шинчилеп, хүн санында өскерлиишкиннерни кыдыраашта демдеглеп турар. Баштайгыларның медээзинден Мира Конгул-оол белеткээн.