Бистиң ачавыс Успун Айдаш Адар-оолович - ТШО киржикчизи, эки турачы
Бистиң ачавыс Успун Айдаш Адар-оолович - ТШО киржикчизи, эки турачы, "Эрес-дидим чорук" орденниң эдилекчизи (амы-тынындан чарылган соонда тывыскан).
Ачавыска дыка дөмей бис. Ачавыс Кызыл хоорайның тудугжузу чораан. Хөй-ле садик, школа, Чедер курорду, Кызылдың прокуратура болгаш П. А. Морозов аттыг Аграр лицейиниң таваан туткан. Амгы үеде лицейниң 7 биле 3 класстарында өөренип турар бис.
Ачавыска чоргаарланып чоруур бис. Тайбын чуртталга дээш ам- тынын эжин камгалап тургаш, бистиң аравыстан чоруй барган.
Ада-чурт камгалакчызының хүнүн уткуштур ачавыска байыр чедирип тур бис. Ачавыс бистиң чүректеривисте кезээде арткан.
Өг-бүлениң чуруу
