"Чаңгыс дээр адаанга" төлевилел Сарыг-Септе

(Экскурсия үезинде) «Чаңгыс дээр адаанга» төлевилел-биле Тожу кожууннуң Адыр-Кежиг школазының 10-гу классчылары Каа-Хемниң Сарыг-Сепке найыралдың ужуражылгазын кылган. Бир дугаарында Сарыг-Септиң ийи дугаар С.К. Тока аттыг школада төөгү-краеведтиг музей-биле танышканнар. Музей "Тергиин школачы краевед музей-2018" Россия чергелиг аттың эдилекчизи болгаш "Музей болгаш уруглар" республика мөөрейиниң тиилекчизи. Баштайгы залдан чаңгыс чер-чурттуу Совет үениң күрүне ажылдакчызы, улуг чогаалчы С.К. Токаның дугайында билип алганнар. Дараазында Каа-Хем кожууннуң төөгүзү, билдингир кижилери, амыдыралы-биле танышканнар. 7-ги классчы экскурсоводтарның солун тайылбырын аалчылар кичээнгейлиг дыңнааннар. #Пододнимнебом #Проект #Тыва #Сарыг_Сеп #Чал_Кежиг #Сылдысчыгаш_Солун