Чаа автобустарның дүлгүүрлерин тывыскан

Бо хүн Кызыл хоорайның солагай талакы дачаларында Лопсан-Кенден Ооржак Мижит-Доржуевич аттыг 18 дугаарлыг школаның девискээринге байырлыг хемчег болуп эрткен. Республиканың 20 школазындан келген башкылар чаа автобустарны алыр аас-кежиктиг болганын илередип турганнар. Автобустарны долузу-биле бичии уругларга таарыштыр кылган. Кадыының аайы-биле харык-шинээ кызыгаарлыг уругларга көрдүнген тускай черлерни база утпаан. «РФ-тиң Чырыдыышкын яамызындан бо чаа өөредилге чылында 43 автобустарны алыры-биле, чагыгны киирген турган бис. Бо хүн 20 школа чаа автобустар-биле хандырттынган. Арткан 23 чаа автобустарны сентябрь 1-ге дээр алыр бис» - деп, Тываның өөредилге болгаш эртем сайыдының хүлээлгезин күүседип турар Солаңгы Тамчай дыңнаткан. #дети #школьныеавтобусы #сылдысчыгаш_солуну