«Чурагай кичээли» - бүгү-российжи өөредилге төлевилели

«Чурагай кичээлдери» – сайзыраңгай технология компанияларындан билиглерни ап, өөреникчилерге чурагайлыг экономикага билиин делгемчидип алырынга тургускан бүгү-российжи өөредилге төлевилели. Бо хүн, октябрь 6-да, Кызылдың №17 школазының 9-ку классчыларынга «Кылымал угаан» деп темага «Чурагай кичээли» болуп эрткен. Ажык кичээлди школаның математика болгаш информатика башкызы Юлия Николаевна Путинцева эрттирген. Уруглар оюн ышкаш тургускан кичээлди улуг сонуургал-биле дыңнап, чурагайлыг технологияларны ажыглап, өөренгеннер. «Чурагай кичээли» чүгле бо чылын эвес, ооң мурнунда чылдарда-ла республикавыста эртип турар. Кичээлдерни 7-11 класстарның өөреникчилеринге аңгы-аңгы темаларга эрттирип турар бис. Уругларның сонуургалы улуг, оларга келир үезинде кандыг мергежил шилип алырынга дыка дузалыг» - деп, Юлия Путинцева чугаалаан. Чуруктар Буян Ооржактың #урокцифры #цифроваяэкономика #национальныйпроект #сылдысчыгаш_солуну