Деткимче акшалар
Россия Федерациязының Президентизи Владимир Путинниң Чарлыы-биле тургускан чаа социал төлевирлерни хөй ажы-төлдүг, орулгазы эвээш өг-бүлелер ап эгелээн.
«Мен 3 чаптанчыг ажы-төлдүг мен. Улуг уруум Ариша, Кызылдың дугаары 8 школазының 4-кү классчызы, ортун оглум Эртине ам бо чылын бирги классче кирер, бичии хеймер уруум Буянмаа 5 харлыг. Хөй ажы-төлдүг өг-бүлелерге деткимче акшаларны берип турары дыка эки деп санаар мен. 10 муң түңнүг акшаны бо хүн алдывыс. Уругларымга өөредилге херекселдери-биле чараш хептер садып алыр бис. Четтирдивис улуу-биле. Оон чугаалаксаан чүүлүм бар, ажы-төлүвүстүң акшазын алгаш, арага-дарыже чарывазын ада-иелерден дилээр-дир мен! Кадык болуңар!» - деп, Кызылдың чурттакчызы Чинчи Сымчаан-оол чугаалаан.
#дузаламчыакшалар #өг_бүлелер #соцвыплаты #соцвыплатышкольникам #сылдысчыгаш_солуну
