«Георгий кожаазы» акцияның киржикчилери

Кызыл хоорайның 7 дугаар школазының 4-кү классчылары «Георгий кожаазы» акцияга киришкенин республиканың немелде өөредилге сайзырадыр төвү дыңнаткан. Школачылар директорнуң кижизидилге талазы-биле чөвүлекчизиниң удуртулгазы ёзугаар кудумчуларже үнүп, Ада-чурттуң Улуг дайынының болуушкуннарының сактыышкын болгаш кажыыдалдың демдээн чурттакчыларга тывысканнар. Бичии оолдар, уруглар георгий лентазының ужур-утказының дугайында чоргаарал болгаш хүндүткел-биле тайылбырлап турганнар. Ол ышкаш ад-өгбелеривистиң маадырлыг чоруун, чуртувустуң төөгүзүнүң дугайында таныштырганнар. Хоорайның чурттакчылары школачыларның активчи бот-идепкейин мактап, өөрүшкү-биле кожааларны хүлээп ап турган.