Хүреш уруглар садтарында
Шагаан-Арыгның "Ручеек" уруглар садынга «Хүреш уруглар садтарында» деп губернатор төлевилелин боттандырып, садик назылыг оолдарның аразынга тыва эр кижиниң сүлде-сүзүүн бедидер үш чараш оюннарының бирээзи, ээлчеглиг "Хуреш" маргылдаазы, болуп эрткен.
Чаш мөгелер тус-тузунда боттарының күжүн көргүзүп, келир үеде төрээн чуртунга төлептиг мөгелер болуп өзерин бүзүредип, маргылдаага идепкейлиг киришкеннер.
Изиг-изиг, ачыр-дачыр тутчуп келгениниң түңнелинде, эң-не шыырак оолдар күш-шыдалы, чараш аргалары-биле көстүп келгеннер.
Чаш мөгелеривиске ада-иезиниң, башкыларының деткимчези бурунгаар чүткүлүнге дыка улуг идигни берип турар.
Улуг-Хем кожууннуң өөредилге эргелели.
