Наадым байырлалында аныяк мөгелер хүрешкен
Наадым байырлалы болгаш Республика хүнүн таварыштыр 18 харга чедир аныяк мөгелер хүрежи эрткен. Ниитизи-биле хүреш маргылдаазынга 121 мөге киришкен. Оларның аразында 2 мөге Бурят Республикадан келген.
Бо удаада Эрзин кожууннуң мөгези, элээди Эзир мөге Айран Ижи Наадымның чемпиону болган, ооң тренери Анатолий Баткар.
Ийиги черни Сүт-Хөлден Ширижик Туметей ээлээн. Үшкү болгаш дөрткү черлерни база-ла Сүт-Хөлден Онзагай Ооржак болгаш Алдаржы Ондар ээлээннер. Бештен сес чедир черлерге Сүлде Донгак, Ооржак Кежик, Эртине Дандар, Күдерек Тюлюш төлептиг болганнар. Оон аңгыда чараш арга дээш, Айслан Монгуш, чараш девиг дээш Айбес Чүлдүм-оол шаңнатканнар.
Тыванын аныяктары/Молодежь Тувы
Чуруктарны социал четкилерден алган.
