"Сүлде" аттыг делгелге
Тыва үндезин культура төвүнге Тываның улустуң чурукчузу, Моолдуң культуразының хүндүлүг ажылдакчызы, Тыва национал театрның кол чурукчузу Начын Кара-оолович Шалыктың 55 харлаан оюнга, Тыва Арат Республиканың тургустунганындан бээр 100 чыл оюнга база В. Көк-оол аттыг национал хөгжүм-шии театрының 85 чыл оюнга тураскааткан “Сүлде” деп аттыг делгелгениң байырлыг ажыдыышкыны болуп эрткен.
Ук хемчегге ооң хөй чылдар иштинде кылып келген логотиптерин, эмблемаларын, им-демдектерин, таңмаларын, медальдар эскизтерин дээш оон-даа өске ажылдарын делгээн.
