Саин Чимит: Москвадан Наадымга киржир дээш
Республика хүнү болгаш Наадым байырлалдары таварыштыр садыг-ярмарка үш дугаар хүн улаштыр Арат шөлүнде эртип турар. Бо чугула күрүне байырлалдарында чүгле Тываның девискээринде эвес, а ырак-узак черлерде чурттап чоруур чаңгыс чер-чурттугларывыс база киржип турар. "Тываның аныяктары" солуннуң редактору Арат шөлүнге Москвада чурттап чоруур тыва чурукчу Саин Чимитке ужуражып чугаалашкан.
Саин Чимит, чурукчу:
- Мен бодум Москва хоорайда чурттап чоруур мен. Шөлээм үезинде Наадым байырлалынга киржир дээш белеткенип алгаш келдим. Бо удаада уругларга таарыштыр тыва езу-чаңчылдарга үндезилеттинген раскраскаларны чурааш, Москвага үндүрүп алгаш келдим.
Мира КОНГУЛ-ООЛ, авторнуң тырттырган чуруу.
