«Сказка» уруглар садының чаштары «Айыыл чок чорук лабораториязы»-биле танышкан

Россияның Камгалал яамызының «Сказка» уруглар садынга янзы-бүрү херекселдер-биле дериттинген кызыл-сарыг автомобиль четкен, Тываның чаштары шупту билир – ол «Айыыл чок чорук лабораториязы». Уруглар, оолдар оюн хевиринге орук шимчээшкининиң дүрүмнери-биле танышкан, кичээлдер солун болгаш хөглүг эрткен. Чаштар орук шимчээшкининиң дүрүмнерин ыяк билирин көргүскен. А Республиканың немелде өөредилге төвүнүң специалистери оларга орук кежерин, чадаг кылаштап чорда туруп болгу дег айыылдыг байдалдарны, орукка айыыл чок чорук дугайында ажыктыг сүмелерни чугаалап берген. Уруг бүрүзү орук шимчээшкининиң дүрүмнериниң ажылчын кыдырааштарын белек кылдыр алган. Республиканың немелде өөредилге төвү күскү дыштанылга үезинде кожууннарже үнүүшкүннерни организастаан. Олар «Айыыл чок чоруктуң лабораториязының» чырыдыышкын орук картазын тургускан. «Айыыл чок чорук лабораториязы» - уругларның киржилгези-биле орук озал-ондаан болдурбазынче болгаш орукка уругларның айыыл чок чоруунга хамаарылгалыг ондактыг барымдааларны чайладырынче угланган федералдыг төлевилел. Ол ышкаш төлевилел езугаар чаштарны орук шимчээшкининиң культуразынга, орукка бодун шын алдынарынга өөредир. #ПДД17 #лабораториябезопасности17 Министерство образования Республики Тыва