Тыва дылым башкызы
Тыва дылдың хүнүнге уткуштур өөреникчилер тыва дыл башкыларынга чылыг-чымчак сөстерни бижип турар. Кызыл хоорайның 9 дугаар гимназиязының 5 «б» клазының өөреникчизи Таймир Биче-оол эге клазының башкызы Светлана Маадыр-ооловна Монгушка байырын чедирбишаан, дыл дугайында бодунуң бодалын илереткен.
Тыва дылым башкызы
Делегей кырында янзы-бүрү дылдар бар. Оларның аразында тыва дылым база кирип турар. Кижи бүрүзү төрээн дылын утпас болза эки.
Эге класстан тура төрээн дылывыска чугаалажып, ёзу-чаңчылдарны сагып, бодунуң ажы-төлү дег өөредип каан башкым Светлана Маадыр-ооловна Монгуш мерген угаанныг, шаг шаандан дамчып келген аас чогаалының байлаан, үнелиин, чаражын биске дамчыдып, өөреткен.
Тыва дылывысты келир үениң салгалдарынга дамчыдып чорууру кижи бүрүзүнүң хүлээлгези деп бодаар мен.
Таймир БИЧЕ-ООЛ,
Кызыл хоорайның 9 дугаар гимназиязының 5 «б» клазының өөреникчизи.
«Элээди журналист» бөлгүмү
