Уруглар сады, байырлыг!

Кызылдың 21 дугаар уруглар садының 9 дугаар «Кызыл чечек» бөлүүнүң кижизиттирикчилеринге уттундурбас байырлал болуп эрткен. Чаштар уруглар сады-биле байырлашкан. Төлээлекчилер хуралының даргазының оралакчызы Аяс Лопсан, ТР-ниң Өөредилге яамызының төлээлери чаштарга байыр чедирген. Башкылар кижизиткен оолдар болгаш уругларын чаа школачы амыдыралче үдеп, чагыг сөзүн берген. Дөрт чыл бурунгаар уруглар садының эргинин артап кирген чаштар ам номчуп, саннап билир апарган. Олар ада-иелеринге, аалчыларынга ырлап, самнап шүлүктеп, кожамыктап, берген. Ниитизи-биле бо чылын 96 чаш ук школа назыны четпээн уругларның өөредилге чери-биле байырлажыр. Доозукчуларның ада-иелери уруглар садының башкыларынга өөрүп четтиргенин илереткен. Чурукту болгаш медээни  ТМГ-медээлер бөлүктен алган