Уругларның кадыкшылы чугула черде

Самагалтайның 2 дугаар ортумак школазының өөреникчилери күскү турисчи слётту "Майгынныг-Тей" деп черге эрттирген. Класс башкыларының удуртулгазы-биле 1-4 база 5-11 класстарның өөреникчилери бөлүк аайы-биле спортчу оюннарга киришкеннер. Турисчи слёттуң кол сорулгазы - уруглар, оолдарның кадыкшылын быжыктырар, багай чаңчылдарга удур профилактика, спортчу дадыгыышкын болгаш турисчи арга-мергежилин бедидери.