«Зарница 2.0» шериг-патроитчу оюн мөзү-бүдүштү дадыктырар

«Зарница 2.0» шериг-патриотчу оюннуң школа чадазы бодунуң спортчу чүткүлү-биле кожуун азы республика чергелиг хемчеглерден тудак чок. Командаларның кежигүннерин шак-ла ындыг дайынчы хөөн, күштүг барымдаалар болгаш тиилелгеже чүткүл бүргээн. Чаа-Хөл кожууннуң Булуң-Терек суурунуң школазынга назы-хар аайы-биле бөлүктер ортузунга «Зарница 2.0» оюну чедиишкинниг эрткен. Ооң теоретиктиг кезээнде Россияның күрүне болгаш шериг төөгүзүнден, ниити-шериг билиглеринге хамаарышкан айтырыгларга уруглар харыылаан. Улаштыр суурнуң стадионунга шериг-спортчу маргылдаага командалар күжүн шенээн. Баштайгыларның медээзинден Мира КОНГУЛ-ООЛ белеткээн. Чуруктарны социал четкилерден алган.